Չինացի փրկարարները ժամերով պայքարել են երկու տարեկան երեխայի կյանքը փրկելու համար, ով ընկել է 12 մետր խորություն ունեցող ջրհորը, մինչեւ այն պահը, երբ նրանց օգնության է հասել ժամանակակից էլեկտրոնային գաջեթը` Apple iPhone սմարթֆոնը:
Ինչպես հաղորդում են չինական լրատվամիջոցները, միջադեպը տեղի է ունեցել մարտի 31-ին: Դեռեւս չպարզված հանգամանքներում, փոքրիկ չինացին ընկել է 30 սմ տրամագիծ ունեցող ջրհորը:
Դեպքի վայր ժամանած փրկարարները երկար ժամանակ չէին կարողանում հասկանալ, թե կոնկրետ որտեղ է գտնվում երեխան:
Նրան դուրս բերելու մի քանի անհաջող փորձերից հետո, որոշվել է ջրհորի մեջ iPhone իջեցնել` տեղանքն ուսումնասիրելու հատուկ ծրագրով:
Երեխայի տեղը անմիջապես պարզվել է, որից հետո նրան դուրս են բերել: