ԱՊՀ արտգործնախարարների խորհրդի հերթական նիստը կայանալու է ապրիլի 6-ին, Աստանայում, իսկ օրակարգում ընդգրկված է 18 հարց: Այդ մասին ասվում է Ռուսաստանի ԱԳՆ կայքում հրապարակված հաղորդագրության մեջ:
Այսպես, նախարարները քննարկելու են փոխգործակցությունը անվտանգության եւ պաշտպանության հարցերում, ճգնաժամային իրավիճակների եւ ֆինանսական հետախուզության կարգավորումը, քննարկելու համագործակցության նախագծերը զինված ուժերի ինժեներական ապահովման հարցում, նաեւ ֆինանսական հետախուզության ստորաբաժանումների ղեկավարների խորհրդի ձեւավորման համաձայնագիրը:
Համապատասխան որոշումների նախագծերը ընդգրկվելու են ԱՊՀ երկրների ղեկավարների եւ կառավարությունների ղեկավարների խորհուրդների օրակարգում:
