Նարիշկինների առանձնատանը հայտնաբերված գանձը փորձել են գողանալ ենթակապալառու կազմակերպության բանվորները: Այդ տեղեկությունը «Ռոսբալտին» հաստատել են վերականգնողական աշխատանքներ իրականացնող «Ինտարսիա» ընկերության ներկայացուցիչները:
Մարտի 27-ի ուշ երեկոյան վերականգնող ընկերության ղեկավարությունը տեղեկացվել է անվտանգության ծառայության կողմից, որ բանվորներին կանգնեցրել են գանձի մի մասը դուրս հանելու պահին: Դրանից հետո ապահովվել է գանձերի պահպանությունը:
Ներկայումս օպերատիվ գործողություններ են իրականացվում: Արդեն հայտնի է անձանց շրջանակը, որ փորձել է գողանալ առարկաները, նրանց հետ աշխատանքներ են տարվում:
Հիշեցնենք, որ Պետերբուրգում գտնվող հինավուրց տանը գանձ էին գտել 40 պարկերի մեջ, հազարից ավելի առարկաներ, հիմնականում արծաթե սպասք: