Հայաստանի մարդու իրավունքների պաշտպանի գրասենյակը 2012-13 թթ. արտաբյուջետային հաշիվ բացելու իրավունք կստանա: Հարցը ներառված է ՀՀ կառավարության ապրիլի 5-ի նիստի օրակարգում:
Արտաբյուջետային հաշվին կփոխանցվի ԵԱՀԿ երեւանյան գրասենյակի տրամադրած 278.1 հազ. եվրոն: Այդ գումարներով Պաշտպանի գրասենյակը 6 մարզային ներկայացուցչություն եւ թեժ գիծ կբացի: Նպատակը` Հայաստանում 2012թ. մայիսի 6-ին կայանալիք խորհրդարանական ընտրությունների եւ 2013թ. ՀՀ Նախագահի ընտրությունների ընթացքում քաղաքացիների քաղաքական (ընտրական) իրավունքների պաշտպանության ապահովումն է: