Թուրքիայի երկու քաղաքացիներ Մայնի Ֆրանկֆուրտ-Անկարա չվերթն իրականացնող Boeing-737 օդանավում հարձակվել են կարգադրիչի վրա: Թուրքական SunExpress ավիաընկերությանը պատկոնող օդանավն արտակարգ վայրէջք է կատարել Բուխարեստում:
Ինչպես հայտնում է torontovka.com-ը, երբ օդաչուներն արտակարգ վայրէջք են խնդրել, «Հենրի Քոնադա Օտոպեն» օդանավակայան են ժամանել ոչ միայն ոստիկանական ջոկատները, այլեւ շտապօգնության մեքենաները: Սակայն, ով եւ ինչքան է տուժել, չի հաղորդվում:
Բուխարեստի օդանավակայանի մամլո ծառայությունում հայտնել են, որ պատահարի մեղավորներ են թուրք քաղաքացիները, որոնք հարձակվել էին կարգադրիչի վրա: Օդանավակայանի շենքում նրանց հարցաքննում են ռումինական ոստիկանության ներկայացուցիչները: Դեպքի դրդապատճառները դեռեւս հայտնի չեն: