Ռուսաստանի նախագահի աշխատակազմի նոր ղեկավար Սերգեյ Իվանովի գլխավորած ընդլայնված կազմով պատվիրակությունը կմեկնի Ադրբեջան` մասնակցելու ռուս-ադրբեջանական «Ռուս-ադրբեջանական երկխոսություն - 2012» միջտարածաշրջանային համաժողովին: Այդ մասին SalamNews-ին հայտնել է դիվանագիտական աղբյուրը:
Պատվիրակության կազմում ընդգրկված է նաեւ Ռուսաստանի կառավարության ղեկավարի տեղակալ Գենադի Խլոպոնինը:
Համաժողովը հունիսի 27-28-ը կկայանա Բաքվում: Միջոցառմանն ակնկալվում է Ռուսաստանի տարբեր շրջանների 400 ներկայացուցիչների մասնակցություն:
Ռուսական կողմից միջոցառման կազմակերպիչները Ռուսաստանի նախագահի աշխատակազմն է եւ Զարգացման «Եվրասիական հետազոտությունների ինստիտուտ» հիմնադրամը: