Թբիլիսիում քանդում են հայազգի հայտնի արդյունաբերող եւ բարերար Միքայել Արամյանցի հիմնադրած հիվանդանոցը:
Ինչպես հաղորդում է Ռուսաստանի հայերի «Երկրամաս» թերթը, Վրաստանի իշխանությունները մտադիր են այդ վայրում Զուբալաշվիլի եղբայրների անվան բժշկական կենտրոն ստեղծել:
Նշվում է, որ 2011թ-ին շենքը վաճառվել էր ծագումով հնդիկ ռուսաստանցի գործարար Դանիել Գուպտային: Վերջինս մտադիր էր պահպանել շենքը եւ միայն վերանորոգել այն, սակայն վրացական իշխանությունները նրան համոզել են քանդել եւ եվրոպական ոճի նոր շենք կառուցել: