Խորհրդարանական ընտրույթունները Բելառուսում կայանալու են այս տարվա սեպտեմբերի 23-ին: Այդ մասին հայտարարել է նախագահ Ալեքսանդր Լուկաշենկոն:
«Ընտրություններն անցկացվում են բելառուս ժողովրդի եւ նրա շահերի համար»,- ասել է Լուկաշենկոն:
Նախագահը կոչ է արել պաշտոնյաներին ընտրություններն անցկացնել «ազգային օրենսդրությանը խիստ համապատասխան, բաց ու թափանցիկ», միաժամանակ հրահանգել է ընտրական հանձնաժողովներում չընդգրկել նախկինում «ընտրություններն ապակայունացրած» կուսակցությունների ներկայացուցիչներին:
«Մենք սովորել են ընտրություններն անցկացնել որպես տոն բելառուս ժողովրդի համար: Եկեք տոն դարձնենք այդ օրը»,- ասել է Լուկաշենկոն: