Thailand’s Got Talent-ի եթերում ցուցադրված 23-ամյա նկարչուհու ելույթը, ով նկար էր նկարել մերկ կրծքով, զայրույթի ալիք է առաջացրել Թաիլանդում:
Ինչպես հաղորդում է Lenta.ru-ն, 23-ամյա նկարչուհին դուրս է եկել բեմ դահլիճի առաջ, հետո դարձել է մեջքով դեպի լսարանը եւ հանել վերնաշապիկը: Նա իր վրա է լցրել տարբեր գույների ներկեր եւ կրծքով նկարել ուղղահայաց ամրացված թղթի վրա:
Քվեարկության արդյունքներով ժյուրիի անդամ երկու տղամարդիկ գնահատել են ելույթը եւ մասնակցին անցկացրել հաջորդ փուլ, ժյուրիի երրորդ` կին-անդամը սեղմել է մերժման կոճակը:
Այն բանից հետո, երբ համարը ցուցադրվել է հեռուստաեթերում, Թաիլանդի մշակույթի նախարար Սուքումոլ Կունպլոեմը նախատել է շոուի պրոդյուսերներին, նշելով, որ կազմակերպիչներին անհրաժեշտ էր ծրագրից կտրել այդ ոչ պատշաճ հատվածը: