Թուրքական ոստիկանության կողմից հունիս 7-ի առավոտյան KCK-ի (Քուրդիստանի համայնքների միություն, համարվում է PKK-ի քաղաքացիական կառույց) գործի շրջանակներում ձերբակալված Վանի քաղաքապետ Բեքիր Քայան հեռացվել է աշխատանքից։
Թուրքական Star-ի փոխանցմամբ՝ Թուրքիայի ներքին գործերի նախարարությունը վավերացրել է թաղային համայնքների վարչության դիմումը եւ պաշտոնից հեռացրել Վանի քաղաքապետ Բեքիր Քայային։
Վանի քաղաքապետի ձերբակալությունը մեծ բողոքի ալիք է բարձրացրել Վանի բնակչության շրջանում։
Հայտնի էր, որ Վանի քաղաքապետն առաջիկա օրերին պիտի այցելեր Երեւան։