Հայաստանը համարժեք պատասխան է տվել Ադրբեջանի սադրանքներին: Այդ մասին, այսօր` հունիսի 20-ին, մամլո ասուլիսում հայտարարել է «Նորավանք» հիմնադրամի տնօրեն Գագիկ Հարությունյանը:
«Սահմանին հրադադարի խախտման հետեւանքով յուրաքանչյուր մարդու մահ ողբերգություն է: Սակայն Ադրբեջանը հրաժարվում է դիպուկահարներին հեռացնել շփման գծից, եւ հայկական կողմն անում է այն, ինչ եւ պետք է անի», - ընդգծել է Հարությունյանը:
Պատասխանելով այն հարցին, թե կարելի՞ է ակնկալել, որ համաշխարհային հանրությունը վերջապես Ադրբեջանին կմատնանշի որպես հրադադարի ռեժիմի խախտող, փորձագետը նշել է, որ գնահատականը մենք ինքներս պիտի տանք` չսպասելով, որ դա կանի ուրիշ որեւէ մեկը:
Հունիսի առաջին օրերը նշանավորվեցին մի շարք սադրանքներով Ադրբեջանի կողմից: Հայկական կողմի պատասխան միջոցառումներից հետո, ըստ որոշ տվյալների, ոչնչացվել են հարյուրից ավելի ադրբեջանցի զինվորներ: