Աֆղանստանի արեւելքի Հոստ քաղաքում չորեքշաբթի մահապարտ-ահաբեկչի կողմից իրականացված պայթյունին զոհ է դարձել 18 մարդ, վիրավորվել է 35-ը:
«Սինհուա» գործակալության տվյալներով, ականապատված մոտոցիկլի ղեկին գտնվող մահապարտը պայթեցրել է իրեն միջազգային ռազմական կոալիցիայի ավտոշարասյան կողքին:
Վկայակոչելով Աֆղանստանում անվտանգության աջակցության միջազգային ուժերի հրամանատարությունը, (ISAF) AFP-ն հաղորդում է, որ ահաբեկչական գործողության զոհ են դարձել ՆԱՏՕ-ի մի քանի զինվորականներ: