Հունիսի 29-ին, ժամը 23.25-ին, Եղվարդ քաղաքի ՀՓՋ-ից ոստիկանության Նաիրիի բաժնում ահազանգ է ստացվել, որ Եղվարդ քաղաքի Շիրակի փողոցի թիվ 29 տան մոտ «ԳԱԶ-24» մակնիշի ավտոմեքենա է այրվում:

Մեկնած օպերատիվ խումբը պարզել է, որ նույն օրը, ժամը 23.20-ի սահմաններում, հրդեհ է բռնկվել Եղվարդ քաղաքի բնակիչ, 51-ամյա Կարեն Ս.-ին պատկանող «ԳԱԶ-24» մակնիշի ավտոմեքենայի սրահում:

Հրդեհի հետեւանքով ամբողջությամբ այրվել է ավտոմեքենայի սրահը եւ մասնակի՝ այլ հատվածներ:

Հրդեհը մարվել է նույն օրը, ժամը 23.30-ին, բնակիչների, այնուհետեւ ՀՓՋ մեկ մարտական հաշվարկի ուժերով:

Հանգամանքները պարզվում են: Կատարվում է հետաքննություն: