Google ընկերությունը հրապարակել է 2012 թվականի երկրորդ եռամսյակի ֆինանսական արդյունքները: Հաշվետվության համաձայն, ընկերության շահույթը նախորդ տարվա նույն ժամանակահատվածի համեմատ աճել է 35 տոկոսով եւ կազմել 12,21 մլրդ դոլար: Տարվա կտրվածքով Google-ի մաքուր շահույթն աճել է 11 տոկոսով կամ 2,79 մլրդ դոլարով:

Ինչպես հաղորդում է «ՏԱՍՍ-տելեկոմը», հաշվետվությունում հաշվի են առնվել Google-ի համախմբված արդյունքները եւ վերջերս ձեռք բերված Motorola Mobility ընկերությունը, որը Google-ին բերել է 1,25 մլրդ դոլարի եկամուտ: Այդուհանդերձ Motorola Mobility-ի օպերացիոն վնասը կազմել է 233 մլն դոլար:

Google-ը խոստացել է, որ դեռեւս չի խառնվելու Motorola-ի գործունեությանը, բայց եթե այդ ռազմավարությունը շարունակի վնասներ բերել, ընկերությունը միջոցներ կձեռնարկի: