Ռոչեսթերյան համալսարանի գիտնականները մշակել են համակարգչային մոդել, որը կարող է իրական ժամանակում հետեւել վարակակիր հիվանդությունների տարածմանը Twitter հաղորդագրությունների միջոցով: Սկսել են մեծ քաղաքում հարբուխի զարգացումից, գրում է dfact.net-ը:
Այդ ծրագիրը կարող է հիվանդության անհատական կանխատեսում տալ` դրա հայտնվելուց 8 օր առաջ, հայտնում է «Պոլեմիկան»:
Գիտնականները հատուկ ծրագիր են մշակել, որը վերլուծում է տեղեկությունը եւ թվիթերում գտնում մարդկանց, որոնք հայտնում են իրենց հիվանդության ախտանիշների մասին:
Այժմ փորձնական տարբերակը վերամշակել է Նյու Յորքի 650 հազար բնակչի արդեն 4,5 միլիոն հաղորդագրություն: Կանխատեսման ճշգրտությունը կազմում է 90%: