Curiosity մարսագնացը ուղարկել է վայրէջքի վայրից հյուսիս ընկած մարսյան լանդշաֆտի առաջին գունավոր լուսանկարը: Այն կատարվել է MAHLI տեսախցիկով, որը տեղադրված է մարսագնացի մանիպուլյատորի վրա եւ հատկացված է հանքային նմուշներ լուսանկարելու համար: Լուսանկարի վրա երեւում է Գեյլ խառնարանի հյուսիսային հատվածը:
Լուսանկարը պարզ չի ստացվել, քանի որ տեսախցիկը նկարել է փոշեպահպան ծածկի ետեւից, որի վրա վայրէջքի ժամանակ փոշու հատիկներ են նստել: Լուսանկարը 30 աստիճան շրջված է ստացվել, քանի որ մանիպուլյատորը դեռեւս թռիչքային վիճակում է գտնվում:
Ինչպես սպասվում է, փոշեպահպան ծածկույթը կհանվի մեկ շաբաթից, երբ մանիպուլյատորը «մարտական» դիրք կբերվի եւ տեսախցիկը կկարողանա լուսանկարել ճգրիտ լուսանկարներ` առանց հորիզոնական «շեղումների», հայտնում է «Կոմերսանտ»-ը:
Հիշեցնենք, որ Curiosityն օգոստոսի 6-ին հաջող վայրէջք է կատարել կարմիր մոլորակի վրա: