«Synopsys, Inc.» ընկերությունը`ծրագրային ապահովման ոլորտում համաշխարհային առաջատարը, հայտարարել է, որ միկրոէլեկտրոնիկայի ամենամյա միջազգային 7-րդ օլիմպիադան տեղի կունենա 2012 թվականի հոկտեմբերի 4-ին Երեւանում: Այդ մասին հաղորդում է «The Sacramento Bee»-ն:
Միջոցառումն առաջին անգամ կանցկացվի Էլեկտրոտեխնիկայի եւ էլեկտրոնիկայի ինստիտուտի ինժեներների (IEEE) թեստավորման տեխնոլոգիաների տեխնիկական խորհրդի (TTTC) հետ համագործակցությամբ:
Օլիմպիադան անցկացվում է Հայաստանի վարչապետի հովանու ներքո: «Սինոփսիս Հայաստան» ՓԲԸ-ն մրցույթի գլխավոր կազմակերպիչը եւ հովանավորն է: Գլխավոր հովանավորն է «Վիվա Սել ՄՏՍ-ը»` Հայաստանում բջջային կապի առաջատար օպերատորը:
Օլիմպիադայի նպատակն է հայտնաբերել մինչեւ 30 տարեկան ամենավառ, տաղանդավոր ինժեներներին: Օլիմպիադան ուղղված է Հայաստանում եւ այդ մրցույթի այլ մասնակից երկրներում միկրոէլեկտրոնիկայի հետագա զարգացմանը նպաստելուն: