Մոսկվայում` Հեղափոխության հրապարակում սեպտեմբերի 21-23-ը կայանալիք հայ արտադրողների «Ոսկե նուռ» տոնավաճառի շրջանակներում տեղի կունենա հայ նկարիչների աշխատանքների ցուցահանդես, ազգային արհեստների վարպետության դասեր եւ հայկական խոհանոցի կերակրատեսակների համտեսում:
Այցելուները կկարողանան ձեռք բերել մաքուր հումքից պատրաստված բարձրորակ արտադրանք: Նրանց համար կկազմակերպվեն նաեւ մշակութային ծրագրեր` Հայաստանի եւ Ռուսաստանի ստեղծագործական խմբերի մասնակցությամբ:
Միջոցառումը տեղի կուենան Մոսկվայի եւ Երեւանի գործող իշխանությունների միջեւ հաստատված 2012-2014 թթ-ի Համագործակցության ծրագրի շրջանակներում, որի նպատակը Ռուսաստանի եւ Հայաստանի մայրաքաղաքների միջեւ համագործակցության ամրապնդումն ու զարգացումն է: