Հարավային Կովկասի հարցերով ԵԱՀԿ ԽՎ հատուկ ներկայացուցիչ Ժոաո Սոարեշը հաջորդ շաբաթ կժամանի տարածաշրջան:
Ադրբեջան, Հայաստան եւ Վրաստան կատարելիք այցի ընթացքում Սոարեշը քննարկելու է ժողովրդավարական բարեփոխումների ընթացքը եւ չկարգավորված հակամարտությունների հարցը, ասվում է ԵԱՀԿ ԽՎ տարածած հաղորդագրության մեջ:
Սոարեշը Հայաստանում կլինի մայիսի 9-10-ին, կքննարկի ղարաբաղյան հակամարտությունը, նաեւ իրադարձությունների զարգացումը փետրվարի 18-ի նախագահական ընտրություններից հետո:
Նախագահական ընտրություններն Ադրբեջանում եւ ղարաբաղյան հակամարտությունը քննարկվելու են Բաքու կատարելիք այցի ընթացքում:
Սոարեշը հատուկ ներկայացուցչի պաշտոնում նշանակվել է Բելգրադում 2011թ. հուլիսին կայացած նստաշրջանի ընթացքում: