Դեղորայքի ներկրմամբ եւ վաճառքով զբաղվող Alfa Pharm ընկերությունը, որը Հայաստանի խոշոր ընկերություններից մեկն է, արդեն երկրորդ տարին անընդմեջ ընկերությունն արժանանում է «Համաժողովրդական վստահություն» Հանրային խորհրդի կողմից նախաձեռնած՝ «Լավագույն ապրանքանիշ եւ հանրային ծառայող» 3-րդ Համազգային մրցանակաբաշխության «Տարվա լավագույն դեղատների ցանցը Հայաստանում» եւ «Ոլորտի առաջատար» մրցանակին:
Alfa Pharm-ը հիմնադրվել է 1996 թվականին Գյումրի քաղաքում` դեղագործական ոլորտում մասնագիտացված փորձառու անձանց կողմից: 2008 թվականից ընկերության բաժնետերերից է հանդիսանում նաեւ Վերակառուցման եւ Զարգացման Եվրոպական Բանկը: Այս տարիների ընթացքում հասցնելով իր աշխատակիցների թիվը 650-ի եւ ստեղծելով շուրջ 120 դեղատներից բաղկացած ամենամեծ դեղատների ցանը Հայաստանում` Alfa Pharm-ը իրավամբ համարվում է ոլորտի առաջատար: Ընկերության ռազմավարության հիմնական բաղկացուցիչներն են մեր քաղաքացիներին որակյալ դեղորայքով եւ գրագետ սպասարկմամբ ապահովելը:
Այս նպատակով Alfa Pharm-ը պայմանագրեր է կնքել աշխարհի առաջատար դեղ արտադրող ընկերությունների հետ եւ Հայաստան է ներկրում ու շուրջ 1000 դեղատներ եւ բուժհաստատություններ է մատակարարում նրանց արտադրանքը, ինչպես նաեւ համագործակցում է տեղական արտադրողների հետ: Լուրջ ներդրումներ են կատարվել ժամանակակից մատակարարման կենտրոն ստեղծելու նպատակով: Ոլորտի առաջատար ավստրիական Shafer ընկերության աջակցությամբ կառուցված մատակարարման կենտրոնում ապահովվում է դեղորայքի պահպանման եւ առաքման բոլոր միջազգային ստանդարտները, իսկ ավտոմատացված համակարգերի շնորհիվ հնարավորություն է ընձեռվում վերահսկել պահեստում եւ դեղատներում առկա դեղորայքի ժամկետները:
Զգալի ներդրումներ են կատարվել նաեւ Alfa Pharm ուսուցման կենտրոնում, որտեղ ցանցի դեղագետները անցնում են շարունակական ուսուցում եւ վերապատրաստում` ինչի արդյունքում հաճախորդներին տրամադրվում է գրագետ սպասարկում:
Alfa Pharm -ը առաջիկայում սպառողին է ներկայանալու «հավատարիմ հաճախորդների» խրախուսման նոր զեղչային համակարգով, իրականացնելու է դեղատների ձեւաչափերի արդականացման եւ ցանցի ընդլայնման ծրագրեր, որպեսզի ընկերության կողմից մատուցվող ծառայությունները հասանելի լինեն Հայաստանի ավելի շատ բնակավայրերում: