2013-ին Երեւանում վերանորոգվել է Շառլ Ազնավուրի հրապարակը: Այս մասին այսօր լրագրողների հետ հանդիպման ժամանակ հայտարարել է Երեւանի փոխքաղաքապետ Կամո Արեյանը: Նրա խոսքով` վերանորոգվել է նաեւ հրապարակը, որը գտնվում է Վարդան Մամիկոնյանի հուշարձանի մոտ: «Ընդհանուր առմամբ, վերանորոգման ու մայթեզրերի սալահատակների փոփոխման մեծ ախատանքներ  ենք կատարել` հիմնականում Կենտրոն ու Արաբկիր շրջաններում»,-ընդգծել է Արեյանը:

2013-ին քաղաքապետարանը նաեւ աշխատանքների մեծ ծավալ է իրականացրել` կապված փողոցների ու բակերի ասֆալտապատման հետ: «2013-ին ասֆալտապատել ենք 2.5 մլն քմ տարածք, որոնցից 500 հազարը բակերում, որոնց եւս մեծ ուշադրություն ենք դարձնում»,-հայտարարել է Արեյանը: