Երեւանում հունիսի 16-ին կայացել է Հայաստան-Եվրամիություն համագործակցության առեւտրի, տնտեսության եւ համապատասխան իրավական հարցերով ենթահանձնաժողովի հերթական նիստը:
Ինչպես հայտարարել է Հայաստանում ԵՄ պատվիրակության ղեկավար Ռաուլ դե Լյուցենբերգերը, Հայաստան-ԵՄ ասոցիատիվ համաձայնագրի բանակցությունները արդյունավետ են ընթանում: Եվրապաշտոնյան չի բացառել, որ համաձայնագիրը կարող է ստորագրվել կարճ ժամկետում:
Իր հերթին՝ Հայաստանի էկոնոմիկայի փոխնախարար Մուշեղ Թումասյանը նկատել է, որ համագործակցությունը թույլ կտա եվրոպական չափորոշիչներ ներդնել երկրի տնտեսության մեջ եւ առօրյա կյանքում:
Նիստի ընթացքում քննարկվելու են Հայաստանի մակրոտնտեսական զարգացման տեմպերը, երկկողմ հարաբերությունների զարգացման հեռանկարները: