ՀՀ վարչապետ Հովիկ Աբրահամյանը հապշտապ չի համարում Էներգետիկայի նախարարի փոփոխության վերաբերյալ կայացված որոշումը:

«Ձեզ համար հապշտապ որոշում էր, ինձ համար հապշտապ չէր»,- այսօր՝ մարտի 1-ին, Էներգետիկայի նախարարությունում, լրագրողներին ասաց վարչապետը՝ չցանկանալով մեկնաբանել, թե ինչով էր պայմանավորված այս որոշումը:

Նշենք, որ Երվանդ Զախարյանն ազատվել է նախարարի պաշտոնից: Նրա փոխարեն փետրվարի 29-ից նշանակվել է Լեւոն Յոլյանը՝ ազատվելով վերահսկիչ պալատի փոխնախագահի պաշտոնից:

Այսօր ՀՀ վարչապետ Հովիկ Աբրահամյանն Էներգետիկայի եւ բնական պաշարների նախարարությունում ներկայացնում էր նորանշանակ նախարար Լեւոն Յոլյանին: