Պաշտպանության նախկին նախարար, «Օհանյան–Րաֆֆի–Օսկանյան» դաշինքի առաջնորդ Սեյրան Օհանյանն այսօր՝ մարտի 23–ին, «Հոգեւոր Հայաստան» նախաձեռնության համաժողովի ժամանակ հայտարարել է, որ Սամվել Բաբայանի իրավուքների համար պայքարելու են մինչեւ վերջ։
«Արատավոր երեւույթները շարունակական են նաեւ մեր դաշինքի նկատմամբ, տարբեր բռնություններ, ստիպողական գործողություններ, Ջրառատի դեպքերը եւ վերջին արտահայատությունը Սամվել Բաբայանի նկատմամբ էր՝ չհասկանալով, որ նա մեր մարտական ընկերն է, մեր գաղափարակից ընկերը, եւ Սամվել Բաբայանի գործունեության ժամանակ նա Արցախյան ազատամարտում իր ընկերների հետ հաղթանակ է ապահովել։ Նա Արցախի հերոս է։ Ես ուզում եմ ասել՝ մենք կանգնելու ենք մինչեւ վերջ Սամվել Բաբայանի իրավունքների պաշտպանության համար եւ չենք թողնելու, որպեսզի այս իշխանությունները շինծու գործունեությամբ հասնեմն իրենց նպատակին»,–հայտարարել է Սեյրան Օհանյանը։