Վավերագրական ֆիլմերի ամերիկացի ռեժիսոր Մայքլ Մուրն իր թվիթերում ուրախություն է հայտնել Սպիտակ տան գլխավոր խորհրդականի պաշտոնից Սթիվ Բենոնի հեռացման կապակցությամբ , հայտնում է Gazeta-ն։
«ԲԵՆՈՆԸ հեռացել է։ Երբ Բենոնը տեսավ, որ Թրամփը կարող է ինքնուրույն պաշտպանել «ռասայական մաքրության» կողմնակիցներին, նա ինքն իրեն ասաց․ «Իմ աշխատանքն ավարտված է։ Առաքելությունս կատարված է»,- գրել է նա։
Լուրերն այն մասին, որ Բենոնը կարող է լքել իր պաշտոնը, պտտվում էին մեկ շաբաթից ավելին ու ավելի էին սաստկացեել այն բանից հետո, երբ նա հարցազրույց տվեց The American Prospect-ին։
Այդ հարցազրույցում նախագահ Դոնալդ Թրամփի վարչակազմի նախկին գլխավոր խորհրդականը քննադատել է որոշ ուլտրաաջերի, նրանց անվանելով «ծաղրածուներ»։
Մայքլ Մուրը հայտնի է Թրամփի հանդեպ իր խիստ բացասական դիրքորոշմամբ։ Եվ այսպես, հունիսին ռեժիսորը իր կայքում բացել է TrumpiLeaks բաժինը՝ Թրամփի մասին գաղտնազերծող տեղեկություններ հավաքելու համար։
Օգոստոսի 18-ին Թրամփը պաշտոնապես հանել է Բենոնին ռազմավարական խորհրդականի պաշտոնից։
Այդուհանդերձ, ոչ պաշտոնական տվյալներով Բենոնը դեռ օգոստոսի 7-ին էր պայմանավորվել ԱՄՆ նախագահի հետ իր հրաժարականի հարցով, բայց Շարլոթսվիլի իրադարձությունների պատճառով նրա հրաժարականը հետաձգվել էր։