Սինգապուրի պատմության մեջ առաջին անգամ երկրի նախագահը կին կլինի:
ՏԱՍՍ-ը հայտնում է, որ Սինգապուրի նախագահ է դարձել Հալիմա Յակոբը, որը մինչեւ վերջերս խորհրդարանի խոսնակն էր:
63-ամյա Յակոբը երկրի առաջին կին նախագահն է, ինչպես նաեւ 47 տարում մալայական համայնքի առաջին ներկայացուցիչը, որն այս պաշտոնն է զբաղեցնում:
Սինգապուրում նախագահի իշխանությունը սահմանափակված է, իսկ երկիրը փաստացի ղեկավարում է վարչապետը: Երկրի նախագահը կարող է վետոյի իրավունքից օգտվել բյուջեի նախագիծը, կառավարությունում նշանակումները, դատապարտյալների ներման դիմումները քննարկելիս, նաեւ համարվում է ոսկու պաշարների պահապանը: Կառավարական որոշումները հազվադեպ են վիճարկվում, իսկ Սինգապուրի նախագահի գլխավոր դերը մահապատժի դատապարտվածների ներման դիմումների քննարկումն է: