Մոսկվայում ռումբի մասին անանուն հաղորդագրություններից հետո չորս առեւտրի կենտրոններում, Կազանի, Լենինգրադյան եւ Կիեւյան կայարաններում, ինչպես նաեւ Սեեչնովի անվան առաջին բժշկական համալսարանում ստուգումներ են անցկացվում։ Այս մասին հաղորդում է ՏԱՍՍ-ը՝ վկայակոչելով արտակարգ ծառայություններում աղբյուրին։
Տարհանում է տեղի ունեցել «Մետրոպոլիս», «Աֆիմոլ Սիթի» եւ «Գորոդ» առեւտրի կենտրոններում։ «Շչոլկովո» առեւտրի կենտրոնում ստուգումներ են անցկացվում։
Նշվում է, որ տարհանում է հայտարարվել նաեւ ԳՈՒՄ-ում։
Շերեմետյեւո օդանավակայանում «ուղեւորների անվտանգության հետ կապված անանուն զանգի» պատճառով խստացվել են անվտանգության միջոցառումները։
Աղբյուրի համաձայն՝ հաղորդագրությունների իսկությանը կասկածելու հիմքեր կան։