Մայամիի ոստիկանությունը կալանավորել է ավելի քան 50 մարդու, որոնց կասկածում են «Իրմա» փոթորկի ժամանակ դիակապտությամբ զաբղվելու մեջ։ Նրանցից 26-ին մեղադրել են Wal-Mart  խանութ ներխուժելու մեջ, հայտնում է Reuters-ը։

Քաղաքի պաշտոնյաները չեղարկել են պարետային ժամը, որը ներդրվել էր սեպտեմբերի 10-ին։ Հայտնում են, որ իրավիճակի կարգավորմանը զուգահեռ՝ ոստիկանները աշխատելու են 12 ժամյա հերթափոխներով, որպեսզի կանխեն հանցագործությունները։ «Ես ասել եմ, որ մենք չենք հանդուրժի հանցավոր գործողություններ կամ դիակապտություն։ Ես չէի կատակում»,- ասել է ոստիկանապետի տեղակալ Լուիս Կաբրերան։