Մյանմարում Ռաքհայն նահանգի ավելի քան 4 հազար բնակիչներ կարողացել են տուն վերադառնալ:

Global New Light of Myanmar-ը հայտնում է, որ Ռաքհայնի տարածքում դեռեւս դատարկ են 176 գյուղեր, որտեղ նախկինում բնակվել են ռոհինջա մուսուլմանները: Ռաքհայնի հյուսիսում հակամարտությունը մոտ 30 հազար տեղացիների ստիպել է իրենց տները լքել: Խոսքը միայն Մյանմարի քաղաքացիների մասին է: Միեւնույն ժամանակ, ըստ ՄԱԿ դիտորդների տվյալների՝ հակամարտության գոտում հարեւան Բանգլադեշ է փախել 370 հազար մարդ, որոնք եւս ռոհինջա մուսուլմաններ են: Սակայն Նեյպիդոն նրանց քաղաքացիությունը չի ճանաչում՝ երկրի տարածքում ապօրինի միգրանտ համարելով: