ՌԴ նախագահ Վլադիմիր Պուտինը եւ Իրանի նախագահ Հասան Ռոհանին հեռախոսազրույցի ընթացքում քննարկել են Իրանի միջուկային ծրագրի շուրջ իրավիճակի կարգավորումը, հայտնում է Կրեմլի մամուլի ծառայությունը։
Նրանք նաեւ նշել են Գործողությունների համատեղ համապարփակ պլանի լիակատար իրականացման կարեւորությունը՝ որպես տարածաշրջանային կայունության եւ անվտանգության ապահովման կարեւոր փաստ։
Հաղորդվում է, որ հեռախոսազրույցի ընթացքում անդրադարձ է կատարվել տարբեր ոլորտներում երկկողմ համագործակցության արդիական հարցերին, ինչպես նաեւ Ռուսաստան–Իրան–Ադրբեջան ձեւաչափով համագործակցությանը։
Բացի այդ, նախագահները պայմանավորվել են հետագա կապերի պահպանման հարցում։