Մամիկոնյանց փողոցում սեպտեմբերի 25-ին, ժամը 22.20-ի սահմաններում վիճաբանություն է տեղի ունեցել, որի ընթացքում մասնակիցներից մեկը գազային ատրճանակ է կիրառել։ Այդ մասին հայտնել է ոստիկանության լրատվության վարչության պետ Աշոտ Ահարոնյանը։

Նրա խոսքով, տուժածներ չկան։ «Վիճաբանության մասնակիցների անձերը պարզվել է, այս պահին ոստիկանության ծառայողները համապատասխան միջոցառումներ են ձեռնարկում նրանց հայտնաբերելու համար»,- նշել է նա։