Իրանի եւ Իրաքի զինված ուժերը սահմանին համատեղ զորավարժություններ կանցկացնեն: Այս մասին հայտնել է Իրանի զինված ուժերի ներկայացուցիչ Մասուդ Ջազաերին, հաղորդում է «ՌԻԱ Նովոստին»:

Նրա խոսքով, այսօր՝ սեպտեմբերի 30-ին, տեղի է ունեցել երկրի զինված ուժերի հրամանատարության նիստը, որտեղ Թեհրանը կրկին հայտարարել է, որ աջակցում է Իրաքի տարածքային ամբողջականությանը եւ ապօրինի է համարում նախորդ շաբաթ տեղի ունեցած Իրաքի Քրդստանում տեղի ունեցած անկախության հանրաքվեն:

«Նաեւ որոշում է կայացվել, որ «Էկտեդար» անվանումով համատեղ զորավարժությունները տեղի կունենան մի քանի օրից՝ սահմանամերձ շրջաններում»,-ասել է նա: