Կրեմլում անընդունելի են համարում իրավապահ մարմինների աշխատանքի մեթոդները գնահատելը: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով Կատալոնիայի անկախության հանրաքվեի ընթացքում իսպանացի ուժայինների գործողությունները, փոխանցում է «ՌԻԱ Նովոստի»-ն:
«Մենք չենք ընդունում, երբ որեւէ մեկը գնահատում է Ռուսաստանի Դաշնության իրավապահ մարմինների աշխատանքի մեթոդները»,- ասել է Պեսկովը՝ պատասխանելով այն հարցին, թե ինչպես է գնահատում Կատալոնիայի բնակիչների կամարտահայտության դեմ Իսպանիայի իշխանությունների գործողությունները: