Ցյուրիխում հարեւանները «Jack Daniels»-ի գովազդի դրոշը «Իսլամական պետության» դրոշի հետ են շփոթել: Metro-ն գրում է, որ «Jack Daniels»-ի դրոշը, որը հարեւանը զվարճանալու համար էր կախել, հարեւանների սարսափի պատճառ է դարձել:
Սարսափելով, որ իրենց հարեւանությամբ ԻՊ դրոշ է կախված, նրանք սկսել են սպառնալիքներով անանուն նամակներ թողնել տղամարդուն:
«Պե՞տք է արդյոք մենք ձեզանից վախենանք: Նախ իտալական դրոշը, իսկ հիմա մահվան սեւ դրոշը», - նշվել է նամակում: Տղամարդը, ով ծնունդով Իտալիայից է, չի կարողացել պարզել, թե ով է անանուն նամակի հեղինակը: Սակայն նա որոշել է չհանել դրոշը, որպեսզի չկարծեն, որ իրենք ճիշտ են: