Մեծ Բրիտանիայում երկաթուղու աշխատակիցները հերթական գործադուլն են կազմակերպել, որը տեւել է մեկ օր, հայտնում է BBC-ն:
Բրիտանիայի երկաթուղու, ծովային եւ տրանսպորտային (RMT) արհմիության անդամները, աշխատողները դեմ են երկաթուղային ընկերության որոշմանը, որի համաձայն՝ գնացքի դռները գտնվելու են մեկ մարդու՝ մեքենավարի հսկողության տակ:
Երկաթուղային ընկերության ղեկավարները գտնում են, որ դա կբացառի ուղեկցորդների անհրաժեշտությունը եւ երկաթուղու աշխատանքը ավելի արդյունավետ կդարձնի:
Իրենց հերթին երկաթուղու աշխատակիցները հայտարարում են, որ այդպիսի որոշումը վտանգի տակ է դնում գնացքների աշխատակազմի աշխատակիցների եւ ուղեւորների անվտանգությունը:
Սա արդեն այս շաբաթվա ընթացքում երկաթուղու աշխատակիցների գործադուլի երկրորդ դեպքն է: