Ռուսաստանը կարծում է, որ Աստանայում Սիրիայի շուրջ բանակցությունների դիտորդ երկրների թվի ավելացումն անօգուտ չի լինի։ Այս մասին լրագրողներին ասել է ՌԴ արտգործնախարար Սերգեյ Լավրովը՝ ղազախստանցի գործընկեր Քայրաթ Աբդիռահմանովի հետ բանակցությունների արդյունքում, հաղորդում է «ՌԻԱ Նովոստին»։
«Մենք կարծում ենք, որ դիտորդ երկրների թվի ավելացումն անօգուտ չի լինի, եւ այդ առումով մենք բաց ենք քննարկումների առաջ։ Դա, բնականաբար, պահանջում է այն բոլոր երկրների համաձայնությունը, որոնք նախաձեռնել են գործընթացը»,-ասել է Լավրովը։