Մոսկվայում նախատեսվում է տեղադրել Ռուսաստանի մայրաքաղաքի գլխավոր ճարտարապետ Կարո Հալաբյանի հուշարձանը։ Այս մասին հաղորդում է «Ինտերֆաքսը»՝ վկայակոչելով Մոսկվայի խորհրդարանի հաղորդագրությունը։
Կարո Հալաբյանի հուշարձանի տեղադրման առաջարկը կքննարկվի հաջորդ շաբաթ, նշում է Gazeta-ն։
Հայտնի ճարտարապետ Կարո Հալաբյանը (1897-1959) ղեկավարել է Խորհրդային Հայաստանի առաջին պետական նախագծային ինստիտուտը։ Ճարտարապետներ Մազմանյանի, Քոչարի, Սիմբիրցեւի հետ նա բազմաթիվ շենքեր է կառուցել Երեւանում եւ Մոսկվայում։ Հալաբյանը ղեկավարել է Վոլգոգրադ քաղաքի վերականգնման նախագծի կազմման աշխատանքները, մասնակցել է Կիեւի գլխավոր փողոցի՝ Կրեշչատիկի վերականգնման աշխատանքներին։ Նա Կարլիկի հետ միասին կազմել է Սոչիի նավահանգստի կառուցման պլանը։
Հալաբյանը 1949-1953 թվականների եղել է ԽՍՀՄ ճարտարապետության ակադեմիայի փոխնախագահը եւ Ճարտարապետության բրիտանական արքայական ինստիտուտի թղթակիցը։