Ֆրանսիայի նախագահ Էմանուել Մակրոնը կարող է 2018 թվականի առաջին կիսամյակում այցելել Ռուսաստան, հաղորդում է ՌԻԱ Նովոստին՝ վկայակոչելով Ելիսեյան պալատի իր աղբյուրին:

«Նախագահը մտադիր է Ռուսաստան մեկնել հաջորդ տարվա առաջին կիսամյակում», - ասել է զրուցակիցը՝ նշելով, որ լրացուցիչ տեղեկատվության չի տիրապետում:

Ավելի վաղ, Ռուսաստանի նախագահի օգնական Յուրի Ուշակովը հայտարարել է, որ Ռուսաստանի նախագահը իր ֆրանսիացի գործընկերոջը հրավիրել է Սանկտ Պետերբուրգի միջազգային տնտեսական համաժողովին մասնակցելու համար (SPIEF), որը տեղի կունենա 2018-ի մայիսին: Ուշակովը չի բացառել, որ Մակրոնի այցը կարող է տեղի ունենալ մինչ համաժողովը: