2017 թ. դեկտեմբերի 15-ին Մոսկվայում կայացել է ԱՊՀ տնտեսական խորհրդի հերթական նիստը, որին մասնակցել է ՀՀ փոխվարչապետ, միջազգային տնտեսական ինտեգրման եւ բարեփոխումների նախարար Վաչե Գաբրիելյանի գլխավորած պատվիրակությունը:

ԱՊՀ տնտեսական խորհրդի նիստի շրջանակում քննարկվել են ԱՊՀ անդամ պետությունների՝ մի շարք ոլորտներում գործակցության հետագա ընդլայնմանն ու խորացմանն ուղղված երկու տասնյակից ավելի հարցեր: Մասնավորապես՝ քննարկվել են ԱՊՀ անդամ պետությունների միջեւ միջպետական ինովացիոն ծրագրի շուրջ համագործակցությանը, բնական գազը, որպես տրանսպորտային վառելանյութ օգտագործման զարգացման նոր հնարավորություններին վերաբերող հարցեր: