Հանրապետության Նախագահ, Հայաստանի շախմատի ֆեդերացիայի նախագահ Սերժ Սարգսյանն այսօր՝ հունվարի 13-ին, այցելել է Հայաստանի շախմատի ակադեմիա, որտեղ հետեւել է հունվարի 9-17-ն անցկացվող Անդրանիկ Մարգարյանին նվիրված 8-րդ հուշամրցաշարի ընթացքին:
ՀՀ նախագահի մամուլի գրասենյակից NEWS.am-ին հայտնում են, որ հուշամրցաշարն անցկացվում է շվեյցարական եւ շրջանային մրցակարգերով: Շվեյցարական մրցաշարին մասնակցում են շուրջ 750 պատանիներ եւ աղջիկներ Հայաստանի Հանրապետության բոլոր մարզերից, Արցախի Հանրապետությունից, ինչպես նաեւ Ռուսաստանից եւ Թուրքմենստանից: Մրցաշարն անցկացվում է 9 խաղափուլով:
