Հայաստանում տեղակայված Հարավային ռազմական օկրուգի «Էրեբունի» ռազմական ավիաբազայի ՄիԳ-29 կործանիչների օդաչուներն ուսումնամարզական թռիչքների ժամանակ իրականացրել են պայմանական հակառակորդի օդային թիրախների որսում:
ՀՌՕ մամուլի ծառայությունից հայտնում են, որ մարզումների ժամանակ օդաչուները զույգերով եւ օղակներով օդում գործողություններ են մշակել արագընթաց թիրախները որսալու բարդ պիլոտավորման տարրերով:
Թռիչքների ընթացքում օդաչուները մշակել են նշված թիրախների որոնման, դրանց ուղղությամբ պայմանական հրթիռների կիրառման եւ «Էրեբունի» ռազմական օդանավակայանում խախտող օդանավերի հարկադիր վայրէջքի իրականացման հարցերը:
Մարզումները, որոնց մասնակցել են մոտ 50 զինծառայողներ եւ ավելի քան 20 միավոր ռազմական ու ավիացիոն տեխնիկա, բարձրլեռնային «Ալագյազ» զորավարժարանում անցկացվել են ՀՕՊ ստորաբաժանումների համագործակցությամբ՝ մոտոհրաձգային միավորման շահերի շրջանակում: