Նախաձեռնող խումբը հանդես է եկել Նոր Քալիֆորնիա նահանգ հիմնադրելուն կողմ, քանի որ Քալիֆորնիայի նահանգը, նրա կարծիքով, «անկառավարելի» է դարձել: Այս մասին նշված է հրապարակված Քալիֆորնիայից անկախանալու հռչակագրում, փոխանցում է «ՌԻԱ Նովոստի»-ն:
«Նոր Քալիֆորնիա. նոր նահանգ՝ զարգացման գործընթացում»,- նշված է փաստաթղթում:
Նշվում է, որ նոր նահանգը պետք է հիմնադրել «բռնակալության շղթաները դեն նետելու նպատակով»: «Ներկայիս Քալիֆորնիայի նահանգը կառավարվում է բռնակալական ռեժիմի կողմից»,- կարծում է նախաձեռնող խումբը:
Փաստաթղթում նշված է, որ Նոր Քալիֆորնիայի բնակչությունը կարող է կազմել 15 մլն մարդ:
Լրատվամիջոցների տեղեկություններով՝ նահանգն առավելապես կընդգրկի գյուղական տարածքները: