Իսրայելի ոստիկանությունը Երուսաղեմի հին քաղաքում ձերբակալել է Թուրքիայի 6 քաղաքացիների։
Թուրքական Milliyet–ի փոխանցմամբ՝ Երուսաղեմ այցելած Թուրքիայի քաղաքացիները ուրբաթօրյա նամազից հետո ցանկացել են այցելել Տաճարի լեռան վրա գտնվող Ալ–Աքսա մզկիթ, սակայն նրանց կանգնեցրել է իսրայելական ոստիկանությունը եւ տարել ոստիկանական բաժանմունք։
Իսրայելում Թուրքիայի դեսպանատունը հաստատել է Թուրքիայի քաղաքացիների ձերբակալությունը, սակայն նշել է, որ ձերբակալության պատճառների մասին դեռ տեղեկություններ չունեն։