Թուրքիայի նախագահ Ռեջեփ Թայիփ Էրդողանը խիստ քննադատության է նեթարկել ԱՄՆ պետքարտուղարության հայտարարությունը, որտեղ Վաշինգթոնը կոչէ արել Անկարային սահմանափակել սիրիական Աֆրինում ռազմական գործողությունները:
Ավելի վաղ ԱՄՆ պետքարտուղարության մամուլի ծառայությունը հայտարարություն էր տարածել, որտեղ Թուրքիային կոչ էր անում, որ Աֆրինում վերջինիս գործողությունները սահմանափակվեն մասշտաբների ու ժամկետների առումով:
«ԱՄՆ-ը մեզ ասում է, որ ժամկետները սահմանափակենք: Ես հարց եմ տալիս, իսկ Աֆղանստանում, Իրաքում ձեր ժամկետներն ավարտվե՞լ են: Դուք դեռ այնտեղ եք: Դա մաթեմատիկական հաշվարկով չէ, երբ մեր աշխատանքն ավարտենք, հասնենք մեր նպատակներին, գործողությունը կավարտվի, եւ մենք կհեռանանք: Մենք ուրիշի հողերի վրա աչք ճունենք»,-ասել է Էրդողանը Անկարայում ունեցած ելույթի ժամանակ:
Նա հավելել է, որ Թուրքիան պայքարում է ոչ թե քրդերի դեմ, այլ ահաբեկչական միջանցք ստեղծելու:
«Սիրիայի հյուսիսում մեր նկատմամբ քանի տարի շարունակվում են սադրանքները: Այսօր մենք նորից Հաթայում հրթիռակոծության հետեւանքով զոհեր ունենք: Սա անպատասխան չի մնա, եւ նրանք բարձր գին կվճարեն, մենք վճռական ենք տրամադրված: Աֆրինից մեկ քայլ անգամ հետ չենք գնալու: Մենք այդ մասին խոսել ենք մեր ռուս գործընկերների եւ կոալիցիայի այլ ուժերի հետ խոսել ենք»,-ասել է Էրդողանը:
Ավելի վաղ Թուրքիայի գլխավոր շտաբը հայտարարել էր, որ Սիրիայի Աֆրինի շրջանում քրդական կազմավորումների դեմ գործողություն է սկսում: Այն սկսվել է հունվարի 20-ին, ժամը 17-ին: Դամասկոսը խստորեն դատապարտել է Թուրքիայի գործողությունները՝ նշելով, որ Աֆրինը ՍԻրիայի անքակտելի մասն է: