Գերմանիայի խոշորագույն առեւտրային բանկ Deutsche Bank-ը 2017 թվականի արդյունքներով գրեթե 512 մլն եվրոյի վնաս է կրել: Բացասական հաշվեկշռի պատճառը  լրացուցիչ հարկային բեռն է, որն առաջացել է ԱՄՆ-ում հարկային բարեփոխումներից հետո, հայտնել է բանկի վարչության նախագահ Ջոն Կրայանը, փոխանցում է DW-ն: 

Ըստ որում՝ Deutsche Bank-ի եկամուտը նվազել է 12 տոկոսով՝ մինչեւ 26,4 մլրդ եվրո: 2016-ին այս ցուցանիշը կազմում էր 30,0 մլրդ եվրո, 2015-ին՝ 33,5 մլրդ եվրո: Ղեկավարության տեղեկություններով՝ ընդհանուր մուտքերի անկման գլխավոր պատճառը դուստր ընկերությունների վաճառքն է եւ ընկերությունների կապիտալում մասնաբաժինը, ինչպես նաեւ ցածր տոկոսադրույքները եւ կապիտալի շուկաներում անկումը: