Երեւանում մեկնարկում է «Ելք» դաշինքի երթը՝ ընդդեմ թանկացումների (Ֆոտո,ուղիղ)

Երեւանում մեկնարկում է «Ելք» դաշինքի հանրահավաք-երթը՝ ընդդեմ թանկացումների։

NEWS.am-ի թղթակիցը հայտնում է, որ հանրահավաքը մեկնարկում է Երեւանի Շառլ Ազնավուրի անվան հրապարակից՝ «Կինո Մոսկվա»-ի մոտից։

Հանրահավաքից հետո նախատեսվում է երթ՝ Շառլ Ազնավուր հրապարակ-Աբովյան փողոց-Հանրապետության հրապարակ-Ամիրյան փողոց-Մաշտոցի փողոց-Սայաթ Նովա փողոց-Աբովյան փողոց-Շառլ Ազնավուր հրապարակ երթուղով։

Ընդդիմադիր «Ելք» դաշինքը բողոքում է առաջին անհրաժեշտության ապրանքների թանկացման դեմ՝ նշելով, որ այդ թանկացումները հիմնավորված չեն եւ հարվածում են բնակչության խոցելի խավերի գրպանին։ Դաշինքի ներկայացուցիչների պնդմամբ, իշխանությունները այսօր փորձել են խոչընդոտել մարդկանց մասնակցությանը երթին։

Լուրեր Հայաստանից - NEWS.am