ԱՄՆ Սենատում բյուջեի միջկուսակցական փոխզիջման են հասել, հայտարարել է ԱՄՆ Կոնգրեսի վերին պալատի հանրապետական մեծամասնության ղեկավար Միթչ Մաքքոնելը, հաղորդում է «Ամերիկայի ձայնը»:
«Ես ուրախ եմ ասել, որ մեր երկու կուսակցությունների, երկու պալատների բանակցությունները պաշտպանության ծախսերի եւ այլ առաջնահերթությունների մասին ավարտվեցին կարեւոր համաձայնությամբ», - ասել է Մաքքոնելը: «Մենք համաձայնության գալով՝ ամերիկացիների համար շատ լավ միության հասանք», - ասել է Սենատում դեմոկրատական փոքրամասնության առաջնորդ Չակ Շումերը:
Սենատի ղեկավարները հայտարարել են երկու տարվա բյուջեի ծրագրի մասին, որով նախատեսում է պաշտպանության եւ ներքին քաղաքականության ծախսերի զգալի աճ: