Բահրեյնը պահանջել է վերատպել անգլերեն լեզվով լույս տեսած 17 հազար դասագիրքն այն պատճառով, որ դրանցում թագավորությունը շրջապատող ծոցը Պարսից է անվանվել: Այս մասին հաղորդում է Reuters-ը՝ վկայակոչելով BNA գործակալությունը:
Բահրեյնը եւ ծոցի մյուս՝ ԱՄՆ-ի դաշնակից երկրները ժխտում են այս աշխարհագրական անունը՝ նախընտրելով օգտագործել Արաբական ծոց տեղանունը: Նրանք համարում են, որ «պարսից» բառը ժամանակակից Իրանին հղում է պարունակում եւ ենթադրում է տարածաշրջանում տիրելու վերջինիս ցանկությունը, ինչն Իրանում հերքում են:
Գործակալության տվյալներով՝ Բահրեյնի կրթության նախարարությունը երրորդ դասարանի աշակերտների համար դասագրքերը պատվիրել է անանուն արտասահմանյան կազմակերպությանը, որն այժմ ստիպված կլինի վերատպել խմբաքանակը «սխալի» պատճառով, փոխանցում է «Գազետա»-ն: