Հունաստանի կառավարության պաշտոնական ներկայացուցիչ Դիմիտրիս Տզանակոպուլոսը հայտարարել է, որ Աթնքը մտահոգված է Էգեյան ծովում տեղի ունեցած լուրջ միջադեպով, որտեղ թուրքական պարեկանավը հարվածել է առափնյա պահպանության հունական նավին, եւ Անկարայի վրա է դրել սադրանքների թվի ավելացման պատասխանատվությունը, հայտնում է Նորությունների աթենքյան գործակալությունը:
Գործակալության տեղեկություններով՝ անցած գիշեր Էգեյան ծովում թուրքական նավը հարվածել է հունականին, որում անձնակազմի 27 անդամ է եղել: Հունական նավը վնասվել է եւ ուղեւորվել Լերոս կղզու նավահանգիստ վերանորոգելու համար, անձնակազմի անդամներից ոչ մեկը չի տուժել:
Միջադեպը տեղի է ունեցել Իմիա վիճելի կղզիների շրջանում, որի պատճառով 1996 թվականին Հունաստանի եւ Թուրքիայի միջեւ հակամարտությունից հազիվ են խուսափել:
Հունաստանի առափնյա պահպանության կենտրոնը միջադեպի մասին անմիջապես տեղեկացրել է Ազգային պաշտպանության եւ ԱԳ նախարարություններին: