Ռուս-ուկրաինական սահմանի «Նիկոլաեւկա» (Չերնիգովի մարզ) հսկիչ անցակետում տեղի է ունեցել ագրեսիվ ջրարջի հարձակում: Այս մասին հաղորդվում է Ուկրաինայի պետական սահմանապահ ծառայության կայքում:
Ջրարջը կից տարածքից վազել է ավտոմեքենաների անցակետի մոտ:
«Ջրարջին հեռացնելու զինծառայողների բոլոր փորձերն ապարդյուն էին, քանի որ կենդանին մռնչում էր եւ ագրեսիվորեն հարձակվում մարդկանց վրա՝ անցակետից չհեռանալով»,- նշված է հաղորդագրության մեջ:
Ջրարջի հետ պայքարի ընթացքում անցակետի աշխատանքը դադարեցրել են քաղաքացիների կյանքի սպառնացող վտանգի պատճառով:
Կենդանուն «վնասազերծել» են մասնագետները, այնուհետեւ նրան փոխանցել են համաճարակաբանանական հետազոտություն անցկացնելու համար՝ ստուգելու կատաղությամբ վարակվածությունը:
«Անցակետում եղած ոչ մեկը չի տուժել»,- հայտնել են գերատեսչությունից: